Nemanja Matic, leikmaður Manchester United, hefur gefið í skyn að hann sé á förum frá félaginu í sumar.
Matic veit ekki hvað framtíðin ber í skauti sér en hann gæti leitað annað eftir tímabilið.
,,Ef ég á að vera hreinskilinn þá veit ég ekki hvað ég mun gera,“ sagði Matic.
,,Ég ræddi við félagið og hef alltaf sagt að ég muni gefa allt í sölurnar þar til á mínum síðasta degi og haga mér eins og fagmaður.“
,,Þú veist aldrei hvað gerist í fótboltanum. Fjölskyldan mín er ánægð hér og ég er ánægður og við sjáum hvað næsta skref er.“
,,Hvort ég verði áfram eða fari, ég mun taka bestu ákvörðunina.“
