Samherji hefur á vef sínum birt bréf sem fyrirtækið ku hafa sent til starfsmanna. Þar er talað um árás á fyrirtækið og hvatt til samstöðu. Bréfið er skrifað af Björgólfi Jóhannssyni, starfandi forstjóra Samherja.

Bréf má sjá hér fyrir neðan.

Samherji heldur því fram að fjallað hafi verið um mútumálið einhliða. „Samherji er um þessar mundir að greina fleiri ásakanir á hendur félaginu en þær sem nefndar eru hér framar. Margar þeirra eru mjög alvarlegar en enn sem komið er hefur aðeins verið sagt frá annarri hlið þeirra í fjölmiðlum. Það er erfitt fyrir félagið og starfsmenn að sitja þegjandi undir þessu. Þið getið treyst því að við munum svara öllum þessum ásökunum. Ég bið ykkur hins vegar um skilning því þetta mun taka tíma,“ segir meðal annars.