Baggalúturinn og fyrrverandi borgarfulltrúinn Karl Sigurðsson, vekur athygli á því á Twitter hvernig Sigmundur Ernir Rúnarsson breiddi á nokkuð grófan hátt úr sér í þættinum Kappsmál.
Karl birti mynd þar sem Sigmundur er búinn að taka yfir sameiginlegt púlt hans og Bryndísar Björgvinsdóttur.
Karl segir þetta svokallað manspreading, sem hefur verið þýtt sem karlbreiðsla. Hugtakið snýst um meintan ósið sumra karla að breiða úr sér, oftast í samhengi við almenningssamgöngur.
Femínistar skemmta sér yfir þessu á Twitter og setja í samhengi við mál síðustu viku en þeim finnst of mikið gert úr gagnrýni þeirra á orðalag Áslaugar Örnu Sigurbjörnsdóttur, sem var sögð nota karllæga orðanotkun.
Sóley Tómasdóttir, fyrrverandi borgarfulltrúi, ákallar DV á Twitter og skrifar: „DV er ekkert að fjalla um þessa svakalegu árás Kalla á Sigmund Erni. Hvernig skyldi standa á því?“
Elísabet Ýr Atladóttir er kaldhæðin og skrifar: „Ótrúleg ráðgáta. Ljóslifandi dæmi um hvernig karlar eru körlum verstir og enginn kippir sér upp við það. Mér finnst karlasamstaðan ekki til fyrirmyndar, er bara eðlilegt að fordæma og ráðast á mann sem er í mesta sakleysi að vinna vinnuna sína?“
Manspreading í Kappsmáli. pic.twitter.com/yXYE2Dmlf4
— Karl Sigurðsson (@kallisig) October 20, 2019