Ferðabloggarinn Finnur Snær Oktosson heldur úti vinsælli YouTube-rás undir nafninu Finn Snow. Hann er með rúmlega 318 þúsund áskrifendur á miðlinum.

Finnur og kærastan hans, Sherlyn Doloriel, hafa verið á ferðlagi um Ísland í sumar. Hann hefur birt nokkur myndbönd á YouTube frá ferðalaginu, meðal annars um verðlag á Íslandi og frá stöðum þar sem atriði fyrir Game Of Thrones voru tekin upp.

Eitt nýjasta myndband hans er titlað: „Filippseysk kærasta hittir fjölskyldu mína (Hún bjóst ekki við þessu).“

Myndbandið hefur fengið yfir 150 þúsund áhorf þegar þessi grein er skrifuð. Í myndbandinu hittir Sherlyn, sem er frá Filippseyjum, íslensku og bandarísku fjölskyldu Finns. Það er mikið fjör og húllumhæ og skemmtu þau sér konunglega.

Horfðu á myndbandið hér að neðan.

Hér getur þú svo horft á myndbandið þar sem Finnur og Sherlyn ræða um verðlagið á Íslandi, meðal annars kostnaðinn við að leggja við einn af fossum Íslands, sem var 700 krónur. En það sem þeim blöskraði hvað mest var verðið fyrir að gista eina nótt á tjaldsvæði, sem var 4000 krónur.

Hér má svo sjá fyrsta dag þeirra á Íslandi.