Í næsta þætti af DV tónlist mun tónlistar- og leikkonan Elín Sif heimsækja þáttinn.
Árið 2015 lenti Elín í 3. sæti í Söngvakeppni Sjónvarpsins en síðan þá hefur hún meðal annars unnið Söngkeppni framhaldsskólanna ásamt því að vera í hljómsveitinni Náttsól. Í fyrra gaf tónlistarkonan út lagið Make You Feel Better en lagið fékk mikið lof gagnrýnenda ásamt því að söngkonan sló í gegn á tónlistarhátíðinni Iceland Airwaves.
Margir kannast við Elínu úr heimi kvikmyndanna en hún fór með burðarhlutverk í kvikmyndinni Lof mér að falla sem sló rækilega í gegn á síðasta ári.
Viðtal við Elínu verður í helgarblaði DV.
DV tónlist fer fram á slaginu 13.00 á vef DV.is.
