Íshringur, sem snýst, hefur valdið því að íbúar í Maine í Bandaríkjunum hópast til Westbrook til að berja þetta undarlega náttúrufyrirbæri augum. Hringurinn er um 100 metrar í þvermáli og hafa margir líkt honum við tunglið.

„Getur einhver sagt NASA að við fundum tunglið í á í Maine? Það er mikilvægt.“

Skrifaði „Joe“ á Twitter um þetta sérkennilega náttúrufyrirbæri.

Fjöldi manns var samankomin við ána í vikunni til að virða þennan hægsnúandi ís fyrir sér. Talið er að íshringurinn hafi myndast af völdum straums í ánni. Hringir sem þessir hafa áður sést í ánni en aldrei á stærð við þennan.