10 ára áskorunin fer nú eins og eldur í sinu um Facebook og birta margir notendur miðilsins myndir af sér til samanburðar, eina eins og viðkomandi leit út fyrir 10 árum og aðra eins og hann lítur út í dag.
Ljóst er að sumir breytast lítið og má breytinguna helst rekja til breytingar á klippingu, háralit eða fatnaði.
Hjá öðrum er breytingin mikil og veruleg hjá mörgum. Atli Fannar Bjarkason fjölmiðlamaður póstaði sínum myndum á Instagram með orðunum „Afsakið en mitt #10yearchallenge er best.“
„Það sem að ný gleraugu geta gert,“ skrifar vinur hans við myndina. „Flottur. Ný gleraugu,“ spyr annar. Þriðji býðst til að splæsa í ársbirgðir af Dominos gegn því að gamli Atli Fannar snúi aftur.
https://www.instagram.com/p/BspxBhQgqdC/
