Ísland kom við sögu á skemmtilegan hátt í þætti breska þáttastjórnandans Graham Norton í lok september.

Gestir The Graham Norton Show það kvöldið voru Bradley Cooper, Lady Gaga, Ryan Gosling og Jodie Whittaker. Sú síðastnefnda leikur Doctor Who í samnefndum breskum sjónvarpsþáttum. Léku leikkonurnar á þeremín við mikinn fögnuð áhorfenda.

Whittaker er greinilega smekkkona því skartið sem hún bar er íslenskt og kemur úr smiðju Aurum, sem Guðbjörg Ingvarsdóttir hönnuður á og opnaði 1999 í litlu bakhúsi við Laugaveg.
Eyrnalokkarnir heita Tuttu og hringarnir Asterias og Nanook.