Guðmundur Jónsson gítarleikari og lagahöfundar hljómsveitarinnar Sálin hans Jóns míns á afmæli í dag, en hann er 56 ára. Af því tilefni ákvað Sigrún Dóra Jónsdóttir að semja ljóð sem þakklætisvott handa Gumma.

„Ég þekki Gumma ekki neitt og hef aldrei hitt hann,“ segir Sigrún Dóra í samtali við DV. „Ég hef bara margoft hugsað það að við upphefjum ekki nægilega gjafir þeirra sem skapa tónlist. Gummi er framúrskarandi í fjölda verka sem hafa skapað íslenska tónlistarsögu, minningar og snert líf okkar allra.

Hver hefur ekki dansað við Sálarlag? Upplifað þá á balli eða þjóðhátíð. Fyrsta kossinn, ástina, gleðina, minningar. Þeir sem gefa okkur tónlist gefa okkur svo rosalega mikið.

Ég hef sett mér það markmið í lífinu að þakka öllum þeim sem gerðu líf mitt fallegra og betra. Við vanmetum oft lagahöfunda og listamenn sem gáfu okkur gleði, minningar og stundir. Þetta er mín þakklætisgjöf.