Hrekkjavakan er á næsta leiti, en sælgætisframleiðandinn Skittles er nú þegar búinn að ákveða hvaða Hrekkjavöku nammi fyrirtækið ætlar að framleiða fyrir hátíðina á næsta ári.
Nammið heitir einfaldlega Uppvakninga Skittles, eða Zombie Skittles, og verða sælgætispillurnar með sítrus-, melónu-, brómberja-, kirsuberja- og hrútaberjabragði. Skittles lætur ekki þar við sitja og ætlar að lauma Skittles-pillum í pokana sem verða með rotnu uppvakningabragði. Við erum ekki alveg viss hvernig uppvakningar eru á bragðið, en við efumst um að þetta sælgæti verði bragðgott.
Minnir þetta um margt á ýmislegt sem sælgætisframleiðandi Jelly Bean hefur boðið upp á í bragði sem hefur farið misvel í fólk. Ber þar helst að nefna Jelly Bean-spilið sem inniheldur til dæmis sælgæti sem bragðast eins og úldin egg og æla.
Skittles ætlar einnig að setja dökkt og drungalegt Skittles á markað á næsta ári sem heitir einfaldlega Skittles Darkside og verður það nammi innblásið af dekkri hliðum regnbogans.