Það er alvöru rimma í ensku úrvalsdeildinni á morgun þegar Liverpool heimsækir Chelsea.

Liðin áttust við á miðvikudag í enska deildarbikarnum þar sem Chelsea skellti Liverpool úr leik.

Maurizio Sarri stjóri Chelsea vinnur gott starf á Stamford Bridge en hann setur pressu á Liverpool fyrir leikinn.

,,Þetta er nýr dagur, ný keppni með mjög breyttum byrjunarliðum,“ sagði Sarri en báðir stjórar gerðu margar breytingar í deildarbikarnum.

,,Kannski er meiri metnaður í Liverpool eftir miðvikudaginn, þeir eru með magnað lið.“

,,Þeir hafa verið undir stjórn Klopp nú á fjórða ár, Liverpool er tilbúið að vinna ensku úrvalsdeildina.“