Barcelona er sögð vera afar nálægt því að ganga frá samningi við Bernardo Silva frá Manchester City.
Samkvæmt Barca Universal er spænska stórliðið komið langt í viðræðum um kaup á portúgalska miðjumanninum eftir að Silva staðfesti að hann muni yfirgefa England þegar tímabilinu lýkur.
Silva, sem er 31 árs gamall, hefur verið einn af lykilmönnum Manchester City undanfarin ár og átt stóran þátt í velgengni félagsins undir stjórn Pep Guardiola. Hann hefur lengi verið orðaður við Barcelona og virðist nú loksins ætla að færa sig um set.
Portúgalinn hefur verið hjá City frá árinu 2017 og unnið fjölda titla með félaginu, þar á meðal ensku úrvalsdeildina og Meistaradeild Evrópu.
Ef af félagaskiptunum verður fær Barcelona inn reyndan og fjölhæfan leikmann sem getur leikið á miðjunni og á vængnum, en félagið lítur á Silva sem lykilstyrkingu fyrir næsta tímabil.
