Fabian Hurzeler er að gera nýjan langtímasamning sem stjóri Brighton samkvæmt helstu miðlum.
Þjóðverjinn, sem er aðeins 33 ára, átti eitt ár eftir af núverandi samningi sínum en hann verður nú framlengdur eftir góðan árangur á suðurströndinni.
Hurzeler tók við liðinu sumarið 2024 af Roberto De Zerbi og varð þá yngsti aðalþjálfari í sögu ensku úrvalsdeildarinnar.
Brighton er sem stendur í 8. sæti deildarinnar og er enn í baráttu um Evrópusæti, en liðið hefur einu sinni áður komist í Evrópukeppni.
Hurzeler kom til félagsins eftir að hafa gert vel með þýska liðið St. Pauli og stýrt því upp í efstu deild.
Hann hefur verið orðaður við lið í Þýskalandi, þar á meðal Bayer Leverkusen, en Brighton hefur nú tryggt sér áframhaldandi veru hans.
