Jökull Júlíusson, söngvari hljómsveitarinnar Kaleo, skellti sér á stórleik Manchester United og Liverpool á Old Trafford um helgina og upplifði eftirminnilega ferð.
Jökull var meðal gesta á leiknum þar sem hann fékk einstakt tækifæri til að hitta knattspyrnustjórann Michael Carrick baksviðs eftir leik. Þá fékk hann einnig áritaða treyju frá Matheus Cunha, sem skoraði eitt marka United í leiknum.
„Til bróðir míns, JJ,“ stóð á treyjunni sem Cunha gaf Jökli.
Með Jökli í för voru meðal annars athafnamaðurinn Róbert Wessman og fleiri góðir gestir sem nutu stemningarinnar á einum stærsta leik ensku úrvalsdeildarinnar.
Ferðin virðist hafa verið sannkölluð draumaferð fyrir Jökul, sem hefur lengi verið mikill áhugamaður um knattspyrnu og naut þess greinilega að fylgjast með stórleiknum úr návígi.
