Manchester United hefur nokkuð óvænt áhuga á Donyell Malen samkvæmt ítölskum miðlum.

Hinn 27 ára gamli Malen, sem getur spilað á kanti og sem fremsti maður, er á láni hjá Roma frá Aston Villa sem stendur, en hann náði ekki að heilla í ensku úrvalsdeildinni.

Á Ítalíu hefur hann slegið í gegn eftir áramót, skorað tólf mörk og lagt upp tvö til viðbótar í sextán leikjum.

Roma hefur forkaupsrétt á leikmanninum í sumar og vill sennilega nýta sér hann. Áhugi United gæti þó flækt málið.

Einnig er talið að Chelsea og Newcastle fylgist með gangi mála hjá Hollendingnum eftir gott gengi hans á Ítalíu.