Tony Adams, fyrrum fyrirliði Arsenal, hefur áhyggjur af stöðu liðsins eftir komu Unai Emery í sumar.
Adams segist ekki vita hvað Emery hefur verið að gera síðan hann tók við af Arsene Wenger fyrr í sumar.
Arsenal spilaði sinn fyrsta leik undir stjórn Emery um helgina en liðið tapaði 2-0 heima gegn Manchester City.
,,Ég veit ekki hvað hann hefur verið að gera síðustu fimm eða sex vikurnar,“ sagði Adams við TalkSport.
,,Hann hefur leyft nánast öllum leikmönnunum að spila og hefur gert margar breytingar. Þeir hafa náð í fín úrslit en það var á undirbúningstímabilinu.“
,,Frá fyrstu mínútu þá hefði ég valið minn markvörð og mína varnarlínu. Ég hefði reynt að mynda þennan hrygg sem hefur vantað síðustu tíu árin.“
