Manchester United er farið að undirbúa lífið án Casemiro og beinir nú sjónum sínum að miðjumanninum Danilo hjá Botafogo, samkvæmt brasilískum miðlum.
United ku hafa haft samband við brasilíska félagið varðandi leikmanninn, sem áður lék með Nottingham Forest. Danilo hefur gert frábærlega frá því hann sneri aftur til Brasilíu, skorað tíu mörk og lagt upp sjö í tæplega 40 leikjum.
Frammistaða hans hefur vakið athygli víða og hefur hann einnig verið kallaður í brasilíska landsliðið. Talið er að félög eins og Fulham, Bayer Leverkusen og Napoli hafi einnig áhuga.
Danilo er samningsbundinn Botafogo til 2029 og félagið er talið vilja um 35 milljónir punda fyrir hann.
