Rosenborg hefur staðfest að félagið og þjálfarinn Alfred Johansson hafi komist að samkomulagi um að slíta samstarfi sínu. Gengi liðsins hefur verið ömurlegt undanfarið.

Gunnar Birgisson, fréttamaður hjá RÚV, vonast til þess að Alfreð Finnbogason, yfirmaður knattspyrnumála hjá norska félaginu horfi til Íslands þegar hann ræður arftaka.

Í tilkynningu frá félaginu segir að tími Johansson hjá Rosenborg hafi verið mikilvægur fyrir þróun félagsins, sérstaklega hvað varðar uppbyggingu og þróun ungra heimamanna í leikmannahópnum. Hins vegar hafi árangur liðsins á vellinum ekki verið nægilega góður síðasta árið.

Alfred Finnbogason þakkaði Johansson fyrir störf hans hjá félaginu. „Við viljum þakka Alfred fyrir hans framlag til Rosenborg. Hann hefur sýnt mikinn metnað, fagmennsku og tryggð við stefnu og gildi félagsins. Við óskum honum alls hins besta í framtíðinni,“ sagði Alfreð.

Gunnar vonast til þess að Alfreð Finnbogason skoði það að ráða Óskar Hrafn Þorvaldsson þjálfara KR sem hefur þjálfað í Noregi. Hann stýrði Haugasund árið 2024 en sagði upp störfum eftir nokkra leiki í starfi. „Rosenborg í þjálfaraleit eftir döpur ár undir stjórn Alfred Johansson,“ skrifar Gunnar.

„Orðspor Óskars Hrafns Þorvaldssonar í Noregi er frábært og eru Haugasundsmenn búnir að átta sig á því að veðjað var á rangan hest í Sanchev Manoharan. Maður hefur heyrt galnari hugmyndir,“ segir Gunnar um Óskar Hrafn.

Ole Gunnar Solskjær er orðaður við starfið hjá Rosenborg en þetta sögufræga félag reynir að finna taktinn, Alfreð var ráðinn inn hjá félaginu í janúar og á að leiða þá uppbyggingu.

Rosenborg í þjálfaraleit eftir döpur ár undir stjórn Alfred Johansson.

Orðspor Óskars Hrafns Þorvaldssonar í Noregi er frábært og eru Haugasundsmenn búnir að átta sig á því að veðjað var á rangan hest í Sanchev Manoharan.

Maður hefur heyrt galnari hugmyndir. pic.twitter.com/cQjO5UVsi0

— Gunnar Birgisson (@grjotze) May 5, 2026