Að hneykslast á bikinímyndum er ekki nýtt af nálinni á Íslandi. Hausið 1983 vakti auglýsing um sólarferðir til Kanaríeyja hörð viðbrögð og kvörtunum rigndi inn til Jafnréttisráðs vegna hennar. Í auglýsingunni, sem var frá Samvinnuferðum-Landsýn, Úrval Útsýn og Flugleiðum, mátti sjá neðri helming konu í bikiníi.

Jafnréttisráð ályktaði að auglýsingin varðaði við jafnréttislög þar sem aðalatriðið í henni væru „hálfnakin kynfæri konu“. Auglýsingin væri því konum til minnkunar og lítilsvirðingar.

Ráðið gerði ekki athugasemdir við það að birta ljósmyndir af léttklæddu fólki í sólarlandaauglýsingum. „Hins vegar er það ekki sama á hvern hátt það er gert. Fróðlegt væri að gera sér í hugarlund hver viðbrögð fólks yrðu ef sams konar mynd yrði birt af hálfnöktum kynfærum karls í auglýsingu.“