Selfie, eða sjálfa, er orðið sem við notum yfir sjálfsmyndir sem fólk birtir á netinu. Belfie heitir það svo þegar stelpur (og strákar) birta bossamyndir af sér í svipuðum tilgangi.

Slíkar myndir hófu að birtast á Instagram fyrir um það bil fimm árum og síðan hafa vinsældirnar bara aukist enda lögulegir þjóhnappar alltaf í tísku líkt og annað sem höfðar til grunnhvata mannskepnunnar.

Það allra nýjasta í bossamyndunum eru glimmerskreyttir diskó-þjóhnappar en þetta uppátæki virðist vinsælt á tónlistarhátíðum hverskonar og næturklúbbum.

Hvort glimmer rassa æðið mun berast hingað upp á klaka er ekki gott að spá fyrir um en ef lesendur Fókus hafa áhuga þá er ykkur meira velkomið að senda myndir á ritstjórn hjá dv.is.