Aron Hannes er ekki mikið að æsa sig yfir úrslitakvöldinu í Söngvaeppninni í kvöld. Hann ætlar að flytja lagið Tonight, sem er eitt af þeim sjö sem komust upp úr undankeppnum.

Aron litur mest upp til Eurovision-dívanna Jóhönnu Guðrúnar og Heru Bjarkar – og við erum viss um að þessar tónlistargyðjur veiti honum styrk í kvöld.

Hér koma svör Aronar við spurningum Bleikt. Gjörið svo vel!

Atriðið þitt í fimm orðum?

Orka, gleði, stuð, ástríða, liðsvinna.

Hvað er best við söngvakeppnina?

Stór stökkpallur fyrir söngvara eins og mig og koma sýna hvað ég hef upp á að bjóða!

Hvernig ætlar þú að undirbúa þig fyrir úrslitakvöldið?

Stífar æfingar, gleðin alltaf við völd og njóta hvers einasta augnabliks!

Hvaða Eurovision-goðsögn dreymir þig um að hitta?

Celine Dion allan daginn.

Ertu spenntur að hitta Måns?

Að sjálfsögðu hann er frábær söngvari.

Uppáhalds Eurovison-lag allra tíma?

In my dreams, Wig wam, Noregur 2005!

Hvernig muntu undirbúa þig á keppnisdag?

Engin spes rútína bara vera ég sjálfur og hafa gaman það er númer 1,2 og 3.

Hver er þín Eurovision-fyrirmynd?

Jóhanna Guðrún og Hera Björk fá þetta skuldlaust.

Hvar er hægt að fylgjast með þér fram að keppni?

Facebook, snapchat – aronhannes. Instagram – aronhannes.

Hvað er framundan hjá þér ef þú vinnur?

Beint í að hugsa um atriðið á stóra sviðinu í Kiev og koma því öllu saman af stað.

En ef þú vinnur ekki?

Halda áfram í tónlistinni gefa frá mér fleiri lög og halda þétt og fast áfram, elta drauminn.

Eitthvað að lokum?

Vona að fólkið í landinu munu njóta atriðisis og lagsins sem ég mun flytja í Laugardalshöllinni. Ást og kærleikur, verið góð við hvort annað. Aron Hannes „over and out“.