Mætingin var einstaklega góð og nutu konur veitinga og skemmtunar, ásamt því að kynna sér vöruúrval hjá fjölda fyrirtækja sem voru með bása. Aðgöngumiðinn inn gilti sem happdrættismiði og svignuðu borð undan fjölda glæsilegra vinninga.
Eva Ruza var kynnir kvöldsins og sáu söngkonurnar Jóhanna Guðrún og Erna Hrönn um að skemmta konum með söng, auk þess sem uppistandarinn Snjólaug Lúðvíksdóttir steig á stokk.
Allur ágóði kvöldsins mun renna til tækjakaupa Bjarkarinnar, sem er miðstöð fyrir verðandi foreldra og foreldra nýfæddra barna.
