Andrew Braund og unnusta hans, Rachel Moseley, fundu óvænta leið til að greiða fyrir væntanlegt brúðkaup sitt.

Braund, aðstoðarmaður kennara og fyrrverandi safnari Pokémon-spila, fann spil að verðmæti yfir 40.000 dollara á háaloftinu í æskuheimili sínu í Dorset á Englandi.

Braund, 37 ára, fór síðan með safnið í safnspilaverslun vinar síns og hélt að þau væru virði um 500 punda. En hann komst fljótt að því að þrjú spil, sem voru ekki rétt skipulögð í möppunum, gætu verið virði tugþúsundir punda.

„Þegar vinur minn sagði mér hversu mikið Charizard-kortin gætu verið virði fékk ég nettan svima,“ sagði Braund. „Ég fékk næstum því kvíðakast, satt best að segja.“

Þessi þrjú Charizard-spil voru metin á 14.900 pund. Braunt þénaði að lokum meira en tvöfalt það, samtals 30.300 pund eftir að afa selt spilið á uppboði. Eru það um 5 milljónir króna.

Skyridge Charizard Holo Pokémon hans, sem var í toppstandi, braut Pokémonmet hjá Ewbank uppboðsfyrirtækinu og var selt fyrir 2,6 milljónir króna.

„Ég bjóst ekki við að þau væru svo mikils virði,“ sagði Braund og sagði að spilin þrjú væru úr síðustu Pokémon pökkunum  sem hann keypti. „Þau hafa hæsta fjárhagslega gildið en lægsta tilfinningalega gildið. Þau sem ég elskaði sem krakki líta út fyrir að vera slitin af því að hafa verið í vösunum mínum allan tímann. Ég hef verið mjög heppinn.“

Nú notar Braund hagnaðinn til að greiða fyrir brúðkaup sitt og Moseley í ágúst og segir að hann þurfi ekki að „hafa áhyggjur af því hvaðan peningarnir fyrir brúðkaupið koma núna.“