Það sem byrjaði sem sérkennilegt tilboð hjá útfararstofu í Chiba-héraði í Japan hefur blómstrað í alvöru tískufyrirbrigði meðal japanskra zen-leitenda.

Kistulögn (e. Coffin-lying) eða hugleiðsla í líkkistu gefur fólki öruggt og innilokunarkennt rými til að hugleiða dauðleika sinn eða bara endurhlaða batteríin á annasömum degi.

Hugtakið kuyō, sem þýðir minningarathöfn er rótgróinn hluti af japanskri menningu og hjálpar til við að útskýra þjóðarhefðina um að faðma viðkvæmni lífsins og fegurð dauðans. Kistulögn hefur einnig aukist á tímabili methárrar sjálfsvígstíðni meðal japanskra ungmenna, sem hefur hvatt fólk til að verða skapandi fyrir geðheilbrigðismál. Fyrirtæki sem kynna kistulögn  sína hafa sagt að þessi tegund hugleiðslu sé gagnleg fyrir fólk sem vill verja tíma í einveru til að róa taugarnar.

Þessi þróun hefur opinberlega vaxið svo mikið að það eru til mismunandi líkkistur sem henta mismunandi persónuleikum. Ef einfaldur trékassi róar ekki taugakerfið, þá finnst þér kannski „sætu líkkisturnar“ í nýopnuðu heilsulindinni í Tókýó, Meiso Kukan Kanoke-in, róandi. Þessar litríku skreyttu líkkistur, sem eru hannaðar af fyrirtæki sem heitir Grave Tokyo, eiga að auðvelda „hugleiðsluupplifun þar sem þú getur horft á lífið með því að vera meðvitaður um dauðann“ með stæl.

Viðskiptavinir hafa val um hvernig þeir vilja að 30 mínútna meðferðin, sem kostar um 1.600 krónur, fari fram. Að sjálfsögðu er hægt að velja á milli opinnar eða lokaðar kistu, en þeir geta einnig valið um græðandi tónlist, myndband sem er varpað í loftið eða algjöra þögn og kyrrð.

Mikako Fuse, hönnuður og líkkistugerðarmaður hjá Grave Tokyo hefur sagt að nálgun hennar á útfararvörur hjálpi fólki að sjá að „dauðinn er bjartur og ekki svo ógnvekjandi.“ En henni er líka ætlað að vera áminning um hvers vegna lífið er þess virði að lifa.

Árið 2024 hélt Fuse vinnustofu við háskóla í Kýótó þar sem hún bauð nemendum að taka þátt í líkkistuupplifun sem ætlað var að breyta hugmyndum þeirra um dauðann og hvetja til „lífslöngunar“. Sumir nemendanna sem reyndu líkkistur Fuse sögðu japanska dagblaðinu Mainichi að hermunin „væri tækifæri til að hugleiða sjálfan mig og endurstilla áhyggjur mínar“ og að hún hefði „látið óttann við dauðann hverfa og ég fann fyrir sterkari lífslöngun“.