Það er komin rúmlega vika síðan greint var frá skilnaði stjörnuhjónanna Nicole Kidman og Keith Urban. Greint var frá því að það hafi verið Urban sem vildi skilnaðinn og Kidman  vildi reyna að bjarga hjónabandinu. Hann flutti út af heimilinu í sumar og lagði hún fram skilnaðarpappíra í lok september.

Fljótlega fóru fjölmiðlar vestanhafs að greina frá því að kántrísöngvarinn væri nú þegar byrjaður að hitta nýja konu og þess vegna hafi hann viljað binda endi á nítján ára hjónabandið.

Sjá einnig: Sagður vera strax byrjaður að hitta yngri konu

Orðrómurinn er að nýja konan sé gítarleikarinn Maggie Baugh sem spilar með Urban.. Hún er talsvert yngri en hann, hún er 25 ára en Urban er 57 ára og Kidman er 58 ára.

Söng til Maggie

Það sem kom orðrómnum af stað var myndband frá nýlegum tónleikum Urban þar sem hann breytti texta á lagi sem hann samdi til Kidman. Upprunalegi textinn er:

„When they‘er tryna get to you, baby, I‘ll be the fighter“

En hann söng:

„When they‘er tryna get to you Maggie, I‘ll be your guitar player“

Maggie Baugh var á sviðinu með honum og deildi sjálf myndbandi af atvikinu á Instagram og skrifaði með: „Var hann í alvöru að segja þetta?“

@maggiebaugh Did Keith just say that!?? #keithurban ♬ original sound – MaggieBaugh

Einnig hafa glöggir netverjar tekið eftir því að þetta er ekki eina skiptið sem virðist vera einhverjir neistar á milli þeirra á sviðinu.

Sjá einnig: Segja að djörf hlutverk Nicole Kidman hafi stuðlað að brestum í hjónabandinu

Hvorugt þeirra hefur tjáð sig en faðir Baugh blandaði sér í málið.

Í viðtali við Daily Mail sagði faðir hennar, Chuck: „Ég veit ekkert um þetta, nema bara að hún spilar á gítar á tónleikunum hans.“

Hann sagði dóttur sína hafa hvorki staðfest orðróminn né neitað fyrir hann síðast þegar þau töluðu saman.

Mörgum þótti viðtalið athyglisvert, sérstaklega þar sem Chuck virðist ekki neita fyrir orðróminn.