Fyrrum forsetahjónin Barack og Michelle Obama hafa loks brugðist við háværum orðrómi sem gengið hefur undanfarnar vikur og mánuði um að hjónaband þeirra sé í upplausn. Stigu hjónin fram og ræddu samband sitt opinberlega í nýjum þætti hlaðvarpsins IMO, sem Michelle stýrir ásamt bróður sínum Craig Robinson.
Spjall hjónanna, sem birtist á hlaðvarpsveitum fyrr í dag, hefur þegar vakið mikla athygli enda óvenju opinskátt og einlægt. Viðurkenndu þau fúslega að síðustu misseri hafi ekki verið dans á rósum.
Þegar umræðan kom að skilnaðarorðróminum greip Barack boltann þegar á stað á lofti. „Hún tók mig til baka!“ sagði Barack léttur í bragði og bætti við: „Þetta var tæpt um tíma.“
Michelle sagði þó að hjónabandið hefði gengið í gegnum bæði gleði og erfiðleika þá hefði samband þeirra mótað hana og gert hana að betri manneskju. „Við höfum átt margar skemmtilegar stundir, margar ævintýraferðir, og ég er betri manneskja vegna mannsins sem ég giftist,“ sagði Michelle með hlýju.
Orðrómurinn um mögulegan skilnað Obama-hjónanna hafði magnast eftir að forsetafrúin fyrrverandi fylgdi eiginmanninum ekki í útför Jimmy Carter né embættistöku Donalds Trump.
Þá kynnti það undir orðróminn þegar Barack viðurkenndi í ræðu í apríl að hann væri „í mínus“ gagnvart eiginkonu sinni og væri að reyna vinna sér inn stig aftur með því að gera „skemmtilega hluti“.
Í þættinum rifjaði Chris. bróðir Michelle, einnig upp atvik þar sem kona í Kansas hafði beðið hana um mynd og spurt hana blákalt: „Hvað gerði hann?“ – sem opnaði augu Michelle um hversu djúpt orðrómurinn hafði grafið um sig.
Þrátt fyrir hæðir og lægðir, eins í öllum samböndum, segjast Obama-hjónin enn vera náin og það sé ekki að fara að breytast í bráð. „Það hefur aldrei komið upp sú hugsun í mínu hjarta að yfirgefa manninn minn – ekki einu sinni,“ segir Michelle.
