Jonathan Gjoshe, leikmaður sem nýverið var á mála hjá Scunthorpe United, hefur sagt frá skelfilegri reynslu sinni eftir hnífaárás í Englandi sem nærri batt enda á feril hans.
Gjoshe, sem er 23 ára gamall, var einn þeirra leikmanna sem félagið ákvað að halda ekki eftir tímabilið. Ákvörðunin vakti athygli, sérstaklega í ljósi þess sem hann hefur gengið í gegnum undanfarna mánuði.
Hann var meðal fyrstu fórnarlamba í hnífaárás á lest á leið til London í nóvember 2025 og hlaut alls sjö stungusár. Í viðtali lýsti hann því hvernig hann reyndi að vara aðra farþega við.
„Ég var stunginn fyrst í öxlina. Ég hljóp í gegnum vagninn og öskraði á fólk að hlaupa,“ sagði hann.
„Ég hélt að ég myndi ekki sjá fjölskyldu mína aftur.“
„I’m really lucky and grateful that I’m alive now.“
Footballer Jonathan Gjoshe was knifed seven times in a mass stabbing on a train to London last November.
His actions helped save lives, but he’s now searching for a new club after being released by Scunthorpe United. pic.twitter.com/svuItzEzS1
— BBC Sport (@BBCSport) May 18, 2026
Eftir að hafa fengið fyrstu hjálp á staðnum var hann fluttur á sjúkrahús þar sem kom í ljós hversu alvarleg meiðslin voru. Þrátt fyrir það hefur hann náð fullum líkamlegum bata.
Meiðslin höfðu þó áhrif á feril hans hjá Scunthorpe og hann fékk ekki framlengingu á samningi sínum. „Ég vonaðist til að fá annað tækifæri, en það gerðist ekki,“ sagði hann.
Stuðningsmenn félagsins söfnuðu fé fyrir hann í gegnum GoFundMe og segir hann þann stuðning hafa skipt miklu máli.
Gjoshe hefur ekki farið í lest síðan árásin átti sér stað en segir sig tilbúinn fyrir næsta skref í ferlinum.
„Þetta gerðist, svona er lífið. Ég er bara þakklátur fyrir að vera á lífi,“ sagði hann.
