Wayne Rooney hefur kvartað til lögreglu vegna mynda sem þrjár 21 árs gamlar stúlkur tóku af honum á hótelherbergi í Manchester aðfaranótt sunnudags.
Rooney, sem er giftur og á fjögur börn, sem og nokkrir félagar hans eru sagðir hafa boðið stúlkunum á VIP-borð sitt á skemmtistaðnum Chinawhite í Manchester á laugardag.
Eftir á er Rooney sagður hafa farið á hótelherbergi stelpnanna ásamt tveimur félögum sínum. Þó kemur fram að ekkert af kynferðislegum toga hafi átt sér stað. Rooney er hins vegar sagður hafa hrósað stelpunum mikið fyrir útlit sitt.
Rooney er svo sagður hafa dáið áfengisdauða í stól á hótelherberginu. Þá fóru stelpurnar að atast í honum. Ein þeirra tók til að mynda mynd af sér þar sem hún rak rassinn á sér í andlit Rooney.
Rooney vaknaði svo í gærmorgun á hótelherberginu. Hann var fljótur að láta sig hverfa. Í kjölfarið deildu stelpurnar myndum af honum frá kvöldinu áður á samfélagsmiðlum. Þær urðu fljótar að dreifast út um allt.
Nú hefur Rooney kvartað til lögreglu vegna myndanna þar sem þær voru teknar án hans samþykkis. Rooney er einnig sagður harður á því að hann hafi ekki gert neitt rangt.
Sjá einnig: Giftur Rooney fór á hótelherbergi með tvítugum stúlkum – Móðir einnar þeirra tjáir sig
Rooney, sem er Manchester United-goðsögn, er nú knattspyrnustjóri Derby County í ensku B-deildinni.