Fyrrum knattspyrnustjarnan, nú knattspyrnustjórinn, Wayne Rooney hefur komið sér í klandur. Hinn 35 ára gamli Rooney djammaði nefnilega með þremur 21 árs gömlum stúlkum lengi fram eftir um helgina.
Rooney, sem er giftur og á fjögur börn, sem og nokkrir félagar hans eru sagðir hafa boðið stúlkunum á VIP-borð sitt á skemmtistaðnum Chinawhite í Manchester á laugardag.
Eftir á er Rooney sagður hafa farið á hótelherbergi stelpnanna ásamt tveimur félögum sínum. Þó kemur fram að ekkert af kynferðislegum toga hafi átt sér stað. Rooney er hins vegar sagður hafa hrósað stelpunum mikið fyrir útlit sitt.
Rooney er svo sagður hafa dáið áfengisdauða í stól á hótelherberginu. Þá fóru stelpurnar að atast í honum. Ein þeirra tók til að mynda mynd af sér þar sem hún rak rassinn á sér í andlit Rooney.
Rooney vaknaði svo í gærmorgun á hótelherberginu. Hann var fljótur að láta sig hverfa. Í kjölfarið deildu stelpurnar myndum af honum frá kvöldinu áður á samfélagsmiðlum. Þær urðu fljótar að dreifast út um allt.
,,Aumingja stelpurnar fóru bara út til að fagna 21 árs afmæli. Þær eru 21 árs og hann er fertugur. Hann sendi öryggisvörð til þess að bjóða þeim á VIP-borðið hans. Þær eru allar miður sín og grátandi. Þær héldu að þetta væri fyndið en þetta var mjög heimskulegt. Ég vorkenni þeim en er þeim líka reið því þetta var heimskulegt,“ sagðir móðir einnar stelpunnar.
Þetta er alls ekki í fyrsta sinn sem Rooney kemur sér í vandræði á djamminu. Þá er ekki langt síðan Coleen, eiginkona hans, bað hann um að leita sér aðstoðar með áfengisvanda sinn.
Hér fyrir neðan má sjá nokkrar myndir frá kvöldinu.