Real Madrid tók á móti Liverpool á Estadio Alfredo Di Stéfano í Meistaradeild Evrópu í gær. Madrídingar byrjuðu leikinn töluvert betur, héldu boltanum vel og voru ógnandi við mark andstæðinganna. Þeir komust verðskuldað yfir 1-0 á 27. mínútu þegar Toni Kroos kom með frábæran bolta fram á Vinicius Jr. sem hann kassaði niður og kláraði snyrtilega framhjá Alisson í markinu.

Real tvöfölduðu forystu sína 10 mínútum síðar þegar Trent ætlaði að skalla boltann á Alisson í markinu en Asensio komst inn í sendinguna og kláraði auðveldlega. Liverpool litu aðeins betur út í byrjun seinni hálfleiks og Salah minnkaði muninn strax á 51. mínútu með skoti af stuttu færi eftir flotta sókn.

Á 65. mínútu skoraði Vinícius annað mark sitt í leiknum og kom Real 3-1 yfir eftir að hafa sundurspilað vörn Liverpool. Þar við sat og ljóst er að Liverpool þurfa að vinna upp tveggja marka forystu í seinni leiknum á Anfield.

Trent Alexander-Arnold og Naby Keita leikmenn Liverpool hafa mátt þola kynþáttaníð á samfélagsmiðlum eftir leikinn. Flest þessara skilaboða sem innihalda kynþáttafordóma er í gegnum Instagram.

Alexander-Arnold átti slakan leik og átti þátt í tveimur mörkum Real Madrid en Keita var tekinn af velli í fyrri hálfleik eftir slaka frammistöðu.

Liverpool hefur sent frá sér yfirlýsingu og fordæmt málið en mikil aukning hefur verið á kynþáttafordómum í garð knattspyrnumanna í gegnum samfélagsmiðla síðustu mánuði.

It is utterly unacceptable. It has to stop. pic.twitter.com/ij8qykJjqU

— Liverpool FC (@LFC) April 7, 2021