Fyrir leikinn hafði KA ekki fengið á sig mark undir stjórn Arnars Grétarssonar en það átti eftir að breytast í þessum leik. Það var Eyþór Ómarsson sem braut ísinn eftir einungis 8. mínútur en hann skoraði fyrsta markið í leiknum og kom ÍBV yfir. Stuttu seinna náði KA að jafna en það var Hallgrímur Steingrímsson sem gerði það með marki beint úr hornspyrnu.
Staðan hélst jöfn út venjulega leiktímann og fór leikurinn því í framlengingu. Þar náði ÍBV að skora nokkuð snemma en það var Víðir Þorvarðarson sem kom þeim Eyjamönnum yfir með marki eftir stoðsendingu frá Felixi Erni Friðrikssyni. Gary Martin náði síðan að gulltryggja sigur Eyjamanna með marki í uppbótartíma framlengingarinnar og ljóst er að ÍBV er komið í 8-liða úrslit.
