Fréttir

Austurbæjar-nauðgarinn sagður loksins gómaður

Steingerður Sonja Þórisdóttir
Miðvikudaginn 25. apríl 2018 13:49

Fregnir herma að einn alræmdarsti raðmorðingi seinni tíma, Golden state morðinginn, einnig þekktur sem Austurbæjar-nauðgarinn, eða East Area Rapist, hafi verið handtekinn í Sacramento.

Hans hefur verið leitað í áratugi en hann er talinn eiga sök á 12 morðum, yfir 50 nauðgunum og 120 innbrotum í Suður-Kaliforníu á árunum 1978 til 1986. Yfirvöld segjast hafa fengið nýjar upplýsingar og mun lögreglan í Sacramento halda blaðamannafund síðar í dag þar sem hún fer nánar yfir stöðu mála og mögulega staðfest hvort einhver hafi verið handtekinn.

Leikarinn geðþekki Patton Oswalt hefur undanfarna klukkutíma tíst um mögulega handtöku morðingjans en eiginkona hans heitin, Michelle Eileen McNamara, skrifaði bókina „I’ll Be Gone in the Dark: One Woman’s Obsessive Search for the Golden State Killer“ um morðingjann en náði ekki að ljúka skrifunum áður en hún lést óvænt fyrir tveimur árum. Bókin vakti þó endurnýjaðan áhuga á málinu hjá yfirvöldum.

Áhugafólk um málið telur sig hafa fundið út hver sá handtekni er en sá er fyrrum lögreglumaður í fylkinu, en hann hafði verið rekinn fyrir hnupl mörgum árum áður. Fæðing dóttur lögreglumannsins þykir einnig stemma við hlé sem var á brotum hjá morðingjanum. Lögreglan í Sacramento mun halda  blaðamannafund um málið  klukkan sjö í kvöld að íslenskum tíma.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Ekki missa af

Fréttir
Fyrir 2 dögum

Séra Bjarni spyr hvort konur þurfi að fara í fóstureyðingu: „Þarf þessi bakþanki að taka þennan glataða snúning þarna í lokin?“

Séra Bjarni spyr hvort konur þurfi að fara í fóstureyðingu: „Þarf þessi bakþanki að taka þennan glataða snúning þarna í lokin?“
Fréttir
Fyrir 2 dögum

Sigurður ósáttur: Dæmi um að nágrannar hafi slegist – „Skeggöld og skálmöld í húsum“

Sigurður ósáttur: Dæmi um að nágrannar hafi slegist – „Skeggöld og skálmöld í húsum“