Það er ansi mikið drukkið af bjór af þjálfara og læknteymi Liverpool miðað við hefð sem Jurgen Klopp, stjóri félagsins hefur skapað.
Eftir útileiki sem vinnast fær Klopp sér bjór í rútunni með starfsliði sínu, leikmenn fá ekki að vera með.
Liverpool vinnur flesta leiki sína og því er yfirleitt baukur um borð á heimleiðinni.
„Við getum ekki skemmt okkur eftir hvern leik, ef við vinnum útileiki þá er smá hefð. Þá fær allt þjálfaraliðið og læknaliðið sér bjór saman í rútunni," sagði Klopp.
„Þetta gerum við í rútunni, þetta er ekkert parý. Bara bjór.“
