Sex Bandaríkjamenn voru handteknir í Suður-Kóreu á föstudaginn þegar þeir reyndu að senda 1.600 plastflöskur, fullar af hrísgrjónum, dollurum og biblíum, til Norður-Kóreu. Ætlunin var að setja flöskurnar í sjóinn í von um að þær myndi reka til Norður-Kóreu.

Fólkið var handtekið á Gwanghwa eyju þar sem það var að reyna að setja flöskurnar í sjóinn í von um að hafstraumar myndu bera þær til Norður-Kóreu.

Fólkið á yfir höfði sér ákæru fyrir að hafa brotið suðurkóresk lög um öryggi og hamfarir.

Aðgerðasinnar hafa í gegnum tíðina sent plastflöskur og blöðrur til Norður-Kóreu með áróðursefni og peninga. Þetta hefur oft valdið mikilli spennu á milli Kóreuríkjanna.