fbpx
Miðvikudagur 02.júlí 2025
Pressan

Emma léttist um 30 kg með einföldum hætti

Pressan
Fimmtudaginn 28. september 2023 04:04

Emma. Mynd:Instagram

Ekki missa af Helstu tíðindum dagsins í pósthólfið þitt

Lesa nánar

Það vakti mikla ánægju og hamingju hjá Emma Frances Goode þegar hún varð ólétt af syni sínum. Meðgangan var nokkuð erfið því hún var alltaf svo þreytt og sótti mikið í að borða mjög hitaeiningaríkan mat.

Eftir því sem löngun hennar í sætindi jókst, þyngdist hún og fór að finna fyrir ýmsum verkjum. Þetta endaði með að hún varð að taka sig taki til að komast út úr rúminu eða til að fara í smá göngutúr.

Þrátt fyrir að mikil hamingja hafi fylgt fæðingu sonarins, Harvey, vissi Emma að eitthvað vantaði  í líf hennar. The Sun skýrir frá þessu.

Til að reyna að finna hina „gömlu“ Emma sem fór oft út að hlaupa eða lyfti lóðum í líkamsræktarstöð, ákvað hún að breyta lífsstíl sínum.

Það gekk mjög vel því í dag er hún um 30 kg léttari en þegar hún tók þessa ákvörðun. Auk þess notar hún nú föt fjórum stærðum minni. En ekki síst, hún er miklu ánægðari með sjálfa sig en nokkru sinni áður.

Hún gerði ákveðnar lífsstílsbreytingar og byrjaði meðal annars að fara í gönguferðir með Harvey í barnavagninum. Bar hann í burðarpoka á meðan hún sinnti heimilisstörfum og notaði niðursuðudósir sem lóð.

Hún tók einnig til í mataræðinu því það átti stærstan þátt í hvernig komið var fyrir henni. Hún hætti að borða óhollan mat og fór að borða fitusnauðan og prótínríkan mat. Hún gætti þess að borða færri hitaeiningar dag hvern en hún brenndi.

Meðal þeirra ráða sem hún veitir fólki í sömu stöðu er að drekka undanrennu í stað nýmjólkur, nota lárperuolíu í stað ólífuolíu, nota fitulítið smjörlíki í staðinn fyrir smjör og borða prótín í hverri máltíð.

Hún segist þó ekki hætt að borða súkkulaði en það er í miklu uppáhaldi hjá henni.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

Pressan
Í gær

Harmleikur á Englandi: 12 ára drengur látinn eftir samfélagsmiðlaáskorun

Harmleikur á Englandi: 12 ára drengur látinn eftir samfélagsmiðlaáskorun
Pressan
Fyrir 2 dögum

Ók svo hratt að ratsjá lögreglunnar gat ekki mælt hraðann

Ók svo hratt að ratsjá lögreglunnar gat ekki mælt hraðann
Pressan
Fyrir 3 dögum

Hvort kom á undan? Hænan eða eggið? Svarið sem beðið hefur verið eftir

Hvort kom á undan? Hænan eða eggið? Svarið sem beðið hefur verið eftir
Pressan
Fyrir 3 dögum

Fundu 1.800 ára gömul grafhýsi full af fjársjóðum

Fundu 1.800 ára gömul grafhýsi full af fjársjóðum
Pressan
Fyrir 4 dögum

Trump illa sáttur með gælunafnið sem framkvæmdastjóri NATO gaf honum – „Pabbi er kominn heim“

Trump illa sáttur með gælunafnið sem framkvæmdastjóri NATO gaf honum – „Pabbi er kominn heim“
Pressan
Fyrir 4 dögum

Þriggja ára dóttir glæpaforingjans kom upp um felustað hans – Sjáðu myndbandið

Þriggja ára dóttir glæpaforingjans kom upp um felustað hans – Sjáðu myndbandið