En það skiptir máli hversu hratt er gengið og hversu mörg skref eru tekin daglega. Þetta eru niðurstöður nýrrar rannsóknar vísindamann við Sydneyháskóla og Suðdanskaháskólann. The Guardian skýrir frá þessu.
Fram kemur að til að ganga hafi tilskilin áhrif þurfi að ná 10.000 skrefum á dag. Þá dragi úr líkunum á sjúkdómum og ótímabærum dauða. Röskleg ganga, kraftganga, getur haft enn meiri jákvæð áhrif á heilsuna.
Í rannsókninni var fylgst með 78.500 fullorðnum Bretum á árunum 2013 og 2015. Fólkið notaði skrefamæla á meðan á rannsókninni stóð. Síðan var heilsufar þeirra kannað sjö árum síðar. Niðurstöðurnar hafa verið birtar í JAMA Internal Medicine og JAMA Neurology.
Dr Matthew Ahmadi, einn aðalhöfunda rannsóknarinnar, sagði að með því að ganga 10.000 skref á dag sé hægt að draga úr líkunum á elliglöpum um 50% og um 30 til 40% á hjartasjúkdómum og krabbameini.
Röskleg eða hröð ganga skilaði enn meiri ávinningi fyrir heilsuna.
Einnig kom í ljós að hver 2.000 skref drógu úr líkunum á ótímabærum dauða um 8 til 11%, þetta átti við upp að 10.000 skrefum.
