CNN segir að þjóðgarðsvörðum hafi borist tilkynning snemma á laugardaginn um að mannabein hefðu fundist við Swim Beach svæðið. Kafarar frá lögreglunni í Las Vegas komu einnig á vettvang til að aðstoða við að ná beinunum í land. Réttarmeinafræðingur kom einnig á vettvang.
Vatnsborð vatnsins hefur lækkað stöðugt síðustu árin og hefur aldrei verið eins lágt og það er núna. Ástæðan er miklir þurrkar á svæðinu árum saman.
Fyrstu líkamsleifarnar sem fundust voru í tunnu og var skotsár á viðkomandi. Talið er að fórnarlambið hafi verið myrt á áttunda eða níunda áratug síðustu aldar og er það byggt á fatnaðinum sem viðkomandi var í.
Ekki er vitað hversu lengi líkið var í vatninu. Morðdeild lögreglunnar í Las Vegas vinnur ekki að rannsókn málsins en hún er hins vegar að rannsaka málið þar sem líkið fannst í tunnunni.
Ekki hefur verið skorið úr um dánarorsök hinna tveggja.