Gleymdu öllu um Tinder-stefnumót sem enda í vandræðalegri þögn yfir kaffibolla. Aminah Hart, frá Ástralíu,hefur miklu áhugaverðari sögu að segja, sögu sem fær stefnumótaöpp til að líta út eins og algjöra tímaeyðslu.

Hún pantaði sér sæði, til að geta eignast barn, en endaði með að finna hina einu sönnu ást.

Líf hennar hafði ekki verið neinn dans á rósum. Hún missti tvo syni sína, Marlon og Louis, vegna sjaldgæfs erfðasjúkdóms sem hún vissi ekki að hún bæri með sér.

Eftir tvö misheppnuð ástarsambönd og sorg, sem fæstir geta ímyndað sér, stóð þessi 42 ára kona ein

Hún var ekki reiðubúin til að gefa drauminn um barneignir upp á bátinn. Eftir að hafa farið í nákvæma erfðafræðirannsókn gáfu læknar henni grænt ljós á að reyna að eignast barn. Hún ákvað að gera það ein og leitaði því að hentugum sæðisgjafa. Hún fann hann, mann að nafni Scott Andersen, í ástralskri skrá yfir sæðisgjafa.

Níu mánuðum síðar fæddist Leila. Hún var heilbrigð og laus við erfðagallana sem urðu bræðrum hennar að bana.

En sögunni lauk ekki við fæðingu Leila

Þegar móðir Aminah sannfærði hana um að setja sig í samband við Scott, gerðist svolítið sem engin sá fyrir.

Scott hafði allan tímann haft áhuga á að hitta konuna sem vildi fá sæði hans. Þegar þau hittust augliti til augliti áttuðu þau sig strax á að þeim féll vel við hvort annað.

Það sem hófst sem kurteislegur hittingur tveggja „líffræðilegra foreldra“ þróaðist fljótt yfir í svolítið annað. Þau byrjuðu að hittast reglulega og neistinn varð fljótlega að stóru ástarbáli.

„Við urðum ástfangin. Þetta var svo súrrealískt  en ótrúleg upplifun,“ sagði Aminah síðar.

Þessu lauk ekki með stefnumótum þeirra því þau trúlofuðust og gengu síðar í hjónaband.