Bjørnar Dullum hefur verið í norska hernum í 38 ár og gegnir nú stöð ofursta. Hann hefur miklar áhyggjur rafmagnshlaupahjólum og áhrifum þeirra á heilsu Norðmanna.

Í samtali við Dagbladet sagði hann að vandamálið sé í sjálfu sér ekki rafmagnshlaupahjólin, heldur það sem þau koma í staðinn fyrir.

„Mig grunar að þau komi í staðinn fyrir stutta göngutúra, göngutúra með litlu álagi, sem við göngum daglega. Við hreyfum okkur minna í hinu daglega lífi. Við getum ekki lengur gengið,“ sagði hann og benti á að ef fólk velji bara þægindi, þá hreyfi það sig minna. Það valdi því að það sé í lélegra líkamlegu formi og ekki eins sterkt og ella.

Hann segir að í starfi sínu sjái hann að þetta sé ekki gott fyrir herinn.

„Þeir sem koma inn eru í lélegra líkamlegra formi. Það er allt of há meiðslatíðni hjá þeim sem taka þátt. Ef maður hefur ekki líkamlega getu til að takast á við menntunina og þjálfunina, þá ætti maður ekki að taka þátt eða vera kallaður í herinn,“ sagði hann.