Íþróttakennari í Ohio hefur verið handtekinn fyrir líkamsárás eftir að hann kýldi nemanda á unglingsaldri í andlitið og reyndi að kýla annan. Lögregla var kölluð að gagnfræðaskólanum Waterford High School þann 6. maí og hitti þar fyrir árásarþola sem lýstu því að það hefði fokið í kennarann, Matthew Warder, í íþróttatíma vegna hegðunar árásarþolanna tveggja. Gerði hann nemendunum að setjast við hlið sér og sagði þeim að þeir væru að fara virkilega í taugarnar á honum. Síðan bað hann nemendurna um að rétta fram vagnana og svo kýldi hann annan þeirra nægilega fast til að nemandinn væri með roða í andlitinu út daginn. Síðan reyndi kennarinn að gera þetta við hinn nemandann en hitti ekki.

Warden sagði lögreglu að hann hefði bara verið að grínast. Grínið gæti reynst honum dýrkeypt þar sem hann á nú yfir höfði sér allt að 180 daga fangelsi ásamt sektargerð. Stjórnendur skólans hafa ekki upplýst hvort Warden hafi verið sagt upp störfum vegna atviksins eða ekki.