Donald Trump Bandaríkjaforseta dreymir um að stækka Bandaríkin ef marka má ítrekaðar yfirlýsingar hans um að bæta við 51. ríkinu. Eftir að hann tók aftur við embætti hefur hann meðal annars hótað því að innlima Kanada, Kúbu, Panama sem og Grænland, þvert á vilja þessara þjóða sem kæra sig ekki um að verða ríki í Bandaríkjunum. Nú mun Trump vera kominn með enn eina innlimunarhugmyndina. Að þessu sinni beinir hann spjótum sínum að Venesúela.

Fjölmiðlamaðurinn John Roberts hjá Fox-fréttastofunni skrifar á samfélagsmiðlinum X í dag:

„Var að ljúka símtali við Donald Trump og hann sagðist vera alvarlega að íhuga að gera Venesúela að 51. ríkinu….“

Just got off the phone with @realDonaldTrump … he told me he is seriously considering a move to make Venezuela the 51st state… pic.twitter.com/cofs12dhUS

— John Roberts (@johnrobertsFox) May 11, 2026

Bandaríkjaher handtók forseta Venesúela, Nicolás Maduro, á heimavelli í byrjun árs fyrir meinta glæpi hans gegn bandarísku þjóðinni. Bandaríkin gerðu í kjölfarið kröfur um aðkomu að olíuauðlindum þjóðarinnar og hafa haft milligöngu um samningaviðræður við bandarísk orkufyrirtæki. Independent bar orð fréttamannsins undir embætti forsetans en í yfirlýsingu samskiptafulltrúans Olivia Wales segir að samskipti ríkjanna tveggja hafi aldrei verið betri.

„Olían er farin að flæða sem og gríðarlegt magn af peningum, sem ekki hafa sést svo árum skipti, mun bráðum hjálpa frábæru þjóðinni í Venesúela. Það er aðeins Trump forseta að þakka að hafa endurlífgað þetta góða samstarf ríkjanna – og það besta er enn ókomið.“

Starfandi forseti Venesúela, Delcy Rodriguez, segir í samtali við France24  að Venesúela hafi aldrei haft það til skoðunar að ganga í Bandaríkin.

„Það hefur komið til umræðu því ef það er eitthvað sem við konurnar og karlarnir í Venesúela höfum þá er það ást okkar til lýðræðis okkar, við elskum sjálfstæðishetjurnar okkar.“