Flemming Splidsboel Hansen, sérfræðingur í rússneskum málefnum hjá hugveitunni DIIS, sagði í samtali við TV2 að það séu engar ýkur að mikil pressa sé á Pútín.
„Pútín hefur sjálfur málað sig út í horn vegna stríðsins í Úkraínu, sem dregst sífellt á langinn. Þrátt fyrir að það séu engin merki um þrýsting úr innsta hring hans, þá getur óánægjan samt verið mjög mikil. Það er það sem Pútín óttast,“ sagði hann.
Hann sagði að það verði að hafa varann á hvað varðar upplýsingar um að Pútín óttist valdarán. „En það getur verið að ofsóknaræðishugsanir læðist að honum og hluti af hræðslunni er líklega réttmæt,“ sagði hann.
