GLP-1 var þróað sem megrunarlyf en í nýrri bandarískri rannsókn kom í ljós að jákvæð „hliðaráhrif“ kunna að leynast í efninu.
Videnskab.dk skýrir frá þessu og vitnar í rannsóknina sem hefur verið birt í vísindaritinu BMJ Open Diabetes Research & Care.
Í henni kemur fram að hin svokölluðu GLP-1 lyf geti upp að vissu marki unnið gegn fíkn í margar tegundir örvandi efna, þar á meðal eru áfengi, kókaín, nikótín og ópíóíðar.
Höfundar rannsóknarinnar notuðust við heilsufarsupplýsingar 600.000 bandarískra uppgjafahermanna sem allir þjáðust af sykursýki 2. Fylgst var með heilsufari þeirra í allt að þrjú ár.
Þeir sem fengu GLP-1 lyf voru bornir saman við þá sem fengu aðra meðferð.
Hópurinn sem fékk GLP-1 lyf, var í minni hættu á að þróa með sér fíkn í áfengi, nikótín og fíkniefni. Þeir, sem voru í þessum hópi, voru einnig sjaldnar lagðir inn á sjúkrahús vegna fíknivandamála segir í rannsókninni.
Þrátt fyrir þessa niðurstöðu er ekki hægt að slá því föstu að notkun GLP-1 lyfja hafi átt þátt í að minni hætta var á að fólk þróaði með sér fíkn. Þörf er á stærri rannsóknum á þessu sviði.
