Fyens Stiftstidende skýrir frá þessu. Fram kemur að ofbeldið hafi átt sér stað í Kenía og Sómalíu frá sumrinu 2017 fram í desember á síðasta ári. Faðirinn er sakaður um að hafa neitað börnum sínum um að ganga í skóla eða vera í sambandi við fjölskyldu þeirra í Danmörku, þar á meðal móður þeirra.
Börnin bjuggu í Óðinsvéum fram á sumar 2017 en þá fór faðirinn með þau til Afríku. Þar er hann sagður hafa beitt stúlkuna grófu ofbeldi, umskorið hana, brennt fætur hennar með heitum hníf, læst hana inni og svelt. Hann er sagður hafa reynt að koma henni í hjónaband með miklu eldri manni í Kenía og að hafa reynt að selja hana. Hann er einnig sakaður um að hafa leyft fjölskyldumeðlimi að nauðga stúlkunni ítrekað. Hann er sakaður um að hafa beitt piltinn ofbeldi en ekki er nánar skilgreint í gögnum lögreglunnar hvers eðlis það var.
Maðurinn neitar sök en kærði gæsluvarðhaldsúrskurðinn ekki til æðra dómstigs.