fbpx
Sunnudagur 28.nóvember 2021
Pressan

1.300 manns saknað á flóðasvæðunum í Þýskalandi

Kristján Kristjánsson
Föstudaginn 16. júlí 2021 05:33

Frá hamfarasvæðinu í Schuld. Mynd:EPA

Ekki missa af Helstu tíðindum dagsins í pósthólfið þitt

Lesa nánar

Ekki er vitað um afdrif um 1.300 manns á flóðasvæðunum í Bad Neuenahr-Ahrweiler í Þýskalandi. Staðfest hefur verið að 59 hafi látist í óveðrinu í Þýskalandi og 9 í Belgíu. Mikil úrkoma hefur einnig verið í Lúxemborg og Hollandi en ekki hafa borist fregnir af manntjóni þar. Lögreglan varar fólk við að fara inn á flóðasvæðin í vesturhluta Þýskalands.

Bild segir að ekki sé vitað um afdrif 1.300 manns í Bad Neuenahr-Ahrweiler. Um 130.000 manns búa í héraðinu sem er í norðurhluta Rheinland-Pfalz. 3.500 manns hefur verið komið fyrir í móttökumiðstöðvum sem hafa verið settar upp vegna hamfaranna. Farsímakerfið í héraðinu er óvirkt og segja yfirvöld að því sé ekki hægt að ná sambandi við marga. Talsmaður yfirvalda sagðist vonast til að fljótlega verði hægt að fá upplýsingar um afdrif þeirra 1.300 sem saknað er. Yfirvöld staðfestu í gærkvöldi að fleiri lík hefðu fundist en gáfu ekki upp fjölda. Welt segir að í Arweiler hafi níu manns látist í svefnaðstöðu heimilis fyrir þroskaheft fólk.

Rúmlega eitt þúsund björgunarmenn, þar á meðal lögreglumenn, slökkviliðsmenn og hermenn, hafa verið sendir til björgunarstarfa í héraðinu. Í gærkvöldi voru rúmlega 1.000 björgunarverkefni í gangi að sögn yfirvalda.

Unnið er að því að koma rafmagni á sem og símasambandi og að tryggja aðgengi fólks að drykkjarvatni.

Lögreglan í Koblenz varar fólk við að fara til hamfarasvæðanna til að leita að ættingjum eða sækja eigur sínar. Með því stefni það sjálfu sér í hættu og hindri hugsanlega björgunarstörf.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

Pressan
Fyrir 2 dögum

Dularfullt hvarf ellilífeyrisþega – Skelfileg uppgötvun á tjaldstæði

Dularfullt hvarf ellilífeyrisþega – Skelfileg uppgötvun á tjaldstæði
Pressan
Fyrir 2 dögum

TikTok-stjarna drepin fyrir framan barnið sitt

TikTok-stjarna drepin fyrir framan barnið sitt
Pressan
Fyrir 5 dögum

Dularfullur sjúkdómur herjar en bara á einum stað í heiminum

Dularfullur sjúkdómur herjar en bara á einum stað í heiminum
Pressan
Fyrir 5 dögum

Hrottalegt morðmál skekur Svíþjóð – Stjórnmálamaður handtekinn – Grunaður um að hafa sundurhlutað líkið

Hrottalegt morðmál skekur Svíþjóð – Stjórnmálamaður handtekinn – Grunaður um að hafa sundurhlutað líkið