fbpx
Föstudagur 11.júní 2021
Pressan

Kórónuveirusýnataka kostar Dani 1,2 milljarða á dag

Kristján Kristjánsson
Föstudaginn 14. maí 2021 06:59

Kórónuveirusýni tekið. Mynd:Getty

Ekki missa af Helstu tíðindum dagsins í pósthólfið þitt

Lesa nánar

Sýnataka, sýnataka og sýnataka. Þetta er það sem dönsk stjórnvöld leggja mikla áherslu á í baráttunni við kórónuveirufaraldurinn og er ekkert til sparað til að fólk eigi auðveldan aðgang að sýnatökum. Þær kosta ekkert og er fólk hvatt til að fara í sýnatöku ef það hefur grun um að það sé smitað en einnig þótt það hafi enga ástæðu til að ætla að svo sé. Að auki þarf að sýna svokallað „kórónuvegabréf“ þegar farið er á veitingastaði, í bíó, á tónleika og í klippingu, svo eitthvað sé nefnt.

Þetta hefur í för með sér að tæplega hálf milljón sýna er tekin á sólarhring. Þetta kostar ríkissjóð um 60 milljónir danskra króna á dag en það svarar til um 1,2 milljarða íslenskra króna. Þetta sýna útreikningar Danska ríkisútvarpsins og tók Jes Søgaard, prófessor í heilbrigðishagfræði við Syddansk háskólann, undir þessa niðurstöðu. „Danmörk er eitt þeirra ríkja heims sem tekur flest sýni. Það hefur átt sinn þátt í að við höfum ekki lent í þriðju bylgjunni. Ef við myndum fá nýja og öfluga bylgju, eins og gerðist í Þýskalandi, myndu sóttvarnaráðstafanir kosta okkur minnst 2,3 milljarða (danskra króna, innsk. blaðamanns) á viku,“ hefur Danska ríkisútvarpið eftir honum. Hann sagði að peningunum, sem fara í sýnatökuna, sé því vel varið.

Miðað við þann fjölda smita sem greinast daglega má kannski segja að það kosti sem svarar til 1,5 milljóna íslenskra króna að finna hvert smit. Lone Simoensen, prófessor og farsóttafræðingur við háskólann í Hróarskeldu, sagði að þessum peningum væri vel varið. „Sýnataka er stór hluti af skýringunni á að við höfum haft stjórn á faraldrinum. Klikkunin gefur því góða meiningu,“ sagði hún. Hún sagðist þó telja að á ákveðnum tímapunkti verði kostnaðurinn of hár. „Ég tel að þegar við erum búin að bólusetja alla 50 ára og eldri og jafnvel allt niður í fertugt, sem vilja bólusetningu, þá getum við farið að hægja á. Þá getum við farið að draga úr sýnatökum,“ sagði hún.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

Pressan
Í gær

Joe Biden kominn til Bretlands – Fyrsta utanlandsferð hans eftir embættistökuna

Joe Biden kominn til Bretlands – Fyrsta utanlandsferð hans eftir embættistökuna
Pressan
Í gær

Kvöldvaktin á skyndibitastaðnum breyttist í martröð – „Ég gerði svolítið hryllilegt“

Kvöldvaktin á skyndibitastaðnum breyttist í martröð – „Ég gerði svolítið hryllilegt“
Pressan
Fyrir 2 dögum

Ný sjúkdómseinkenni tengd Deltaafbrigði kórónuveirunnar – Kolbrandur og heyrnartap

Ný sjúkdómseinkenni tengd Deltaafbrigði kórónuveirunnar – Kolbrandur og heyrnartap
Pressan
Fyrir 2 dögum

Umferðaróhapp í Noregi varð til þess að upp komst um morð

Umferðaróhapp í Noregi varð til þess að upp komst um morð
Pressan
Fyrir 3 dögum

Ók vísvitandi á múslímska fjölskyldu – 4 létust

Ók vísvitandi á múslímska fjölskyldu – 4 létust
Pressan
Fyrir 3 dögum

Sérfræðingar segja að kórónuveiran hafi verið búin til á rannsóknarstofu

Sérfræðingar segja að kórónuveiran hafi verið búin til á rannsóknarstofu
Pressan
Fyrir 3 dögum

Lögreglan ætlaði að uppræta kannabisræktun – Byggingin var notuð í eitthvað allt annað

Lögreglan ætlaði að uppræta kannabisræktun – Byggingin var notuð í eitthvað allt annað
Pressan
Fyrir 4 dögum

Nú verður framhjáhald enn auðveldara

Nú verður framhjáhald enn auðveldara
Pressan
Fyrir 4 dögum

Flugvélin sem hvarf algjörlega

Flugvélin sem hvarf algjörlega