fbpx
Laugardagur 17.apríl 2021
Pressan

Innflytjendur í Bretlandi margir hverjir hikandi við að láta bólusetja sig

Kristján Kristjánsson
Miðvikudaginn 7. apríl 2021 22:00

Boris Johnson, forsætisráðherra, er búinn að láta bólusetja sig. Mynd:Getty

Ekki missa af Helstu tíðindum dagsins í pósthólfið þitt

Lesa nánar

Í heildina hefur gengið vel að bólusetja fólk á Bretlandseyjum gegn kórónuveirunni en þó er þátttaka fólks af erlendum uppruna lítil og er það mikið áhyggjuefni. Yfirvöld telja að trúarbrögð komi hugsanlega við sögu og haldi aftur af þátttöku fólks úr þessum þjóðfélagshópum.

Samkvæmt samantekt ONS, sem er breska hagstofan, þá var búið að bólusetja rúmlega 90% allra eldri en 70 ára, sem eru af breskum uppruna, þann 11. mars. En hjá sama aldurshópi fólks frá Afríku var hlutfallið aðeins 58,8%. Hjá fólki frá Karíbahafi var hlutfallið 68,7% og hjá Pakistönum 74%.

ONS telur að trúarbrögð spili hugsanlega inn í þetta og segir að fjórði hver múslimi hafi hafnað bólusetningu og fimmti hver búddisti. Þessar tölur staðfesta áhyggjur sem hafa verið uppi hjá heilbrigðisyfirvöldum undanfarnar vikur. Læknar, sem starfa í hverfum þar sem margir innflytjendur búa, hafa varað við því að margir sjúklingar þeirra vilji ekki láta bólusetja sig.

Þetta er mikið vandamál því kórónuveiran, sem hefur orðið rúmlega 125.000 manns að bana í Bretlandi, hefur lagst sérstaklega þungt á fólk úr fátækum hverfum og hverfum innflytjenda, bæði hvað varðar fjölda smitaðra og dauðsföll. Ástæðan er meðal annars lífsstíll, margir starfa innan heilbrigðiskerfisins, aðrir við akstur leigubíla og stræstisvagna og enn aðrir við afgreiðslustörf. Allt störf þar sem er mikil nálægð við annað fólk og því smithætta. Fólk úr þessum hópum býr einnig oft í litlum íbúðum eða raðhúsum og oft eru mjög margir í heimili. Smithættan er því mikil.

Yfirvöld beina nú áróðri að þessu fólki í samstarfi við trúarleiðtoga og hefur nokkrum moskum verið breytt í bólusetningamiðstöðvar en það hefur ekki skilað miklum árangri. Margar ástæður eru taldar liggja að baki þessari dræmu þátttöku. Þar á meðal er að menntunarstig fólks er oft lágt og það er talið auðveld bráð fyrir áróður frá andstæðingum bólusetninga sem láta mikið að sér kveða á samfélagsmiðlum og hafa efnt til mótmæla gegn sóttvarnaaðgerðum. Þeir hafa einnig reynt að telja fólki trú um að bóluefnin innihaldi bæði alkóhól og efni úr svínum en múslimar mega hvorki neyta áfengis né svínaafurða. Læknar segja einnig algengt í þessum hópum að fólk taki frekar mark á ráðleggingum ættingja, sem vilja ekki láta bólusetja sig, en frá heilbrigðisstarfsfólki. Tungumálaörðugleikar koma einnig við sögu því ekki tala allir ensku og auk þess er almennt vantraust á „kerfið“ til staðar.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

Pressan
Í gær

Blóðtappar uppgötvuðust í tilraunum með Janssen-bóluefnið

Blóðtappar uppgötvuðust í tilraunum með Janssen-bóluefnið
Pressan
Í gær

Nafn bæjarins var of dónalegt fyrir Facebook – Bæjarstjórinn er brjálaður

Nafn bæjarins var of dónalegt fyrir Facebook – Bæjarstjórinn er brjálaður
Pressan
Fyrir 2 dögum

Afhjúpanir í spillingarmálum gera Netanyahu erfitt fyrir við ríkisstjórnarmyndun

Afhjúpanir í spillingarmálum gera Netanyahu erfitt fyrir við ríkisstjórnarmyndun
Pressan
Fyrir 2 dögum

Kínverjar vara Bandaríkin við – „Standið ekki vitlausum megin við 1,4 milljarða Kínverja“

Kínverjar vara Bandaríkin við – „Standið ekki vitlausum megin við 1,4 milljarða Kínverja“
Pressan
Fyrir 3 dögum

Íranir ætlar að hefna sín á Ísrael eftir rafmagnsleysi í kjarnorkuveri

Íranir ætlar að hefna sín á Ísrael eftir rafmagnsleysi í kjarnorkuveri
Pressan
Fyrir 3 dögum

Bretar hafa náð markmiðum sínum – Öllum yfir fimmtugu hefur verið boðin bólusetning

Bretar hafa náð markmiðum sínum – Öllum yfir fimmtugu hefur verið boðin bólusetning
Pressan
Fyrir 4 dögum

Er allsherjarstríð yfirvofandi í Evrópu?

Er allsherjarstríð yfirvofandi í Evrópu?
Pressan
Fyrir 4 dögum

Fengu yfir hundrað þúsund kvartana vegna umfjöllunar um dauða Filippusar

Fengu yfir hundrað þúsund kvartana vegna umfjöllunar um dauða Filippusar