Eldri hjón, Julie og Kelvin Briggs, segjast vera í fjárhagslegri gíslingu eftir að byggingaverktaki sveik þau. Briggs-hjónin höfðu borgað honum rúmar andvirði rúmra 8 milljóna íslenskra króna til að fegra og bæta húsið sitt en peningurinn fór ekki í viðgerðirnar.
Jamie Thompson, byggingaverktakinn sem um ræðir, eyddi peningum Briggs-hjónanna ekki í undirstöður eða timbur heldur í fíkniefni og áfengi. Thompson tók fíkniefnin og drakk áfengið í kjölfar þess að hjónaband hans endaði. Thompson hefur nú verið handtekinn og kom nýlega fyrir dóm í Bretlandi vegna málsins. Þar kom fram að hann hafi mætt þegar honum sýndist, gert lítið sem ekkert og svo farið og aldrei komið aftur.
Briggs-hjónin höfðu farið í framkvæmdirnar svo foreldrar Julie Briggs gætu búið hjá þeim. Þá vildu þau líka veita bróður hennar heimili en hann er fatlaður. Þar sem Thompson fór frá þessu ókláraða verki leit heimili Briggs-hjónanna út eins byggingasvæði í heil fjögur ár. Þá mun það kosta hjónin enn meira að gera við heimilið heldur en þau eyddu í framkvæmdirnar til að byrja með. Fram kemur í frétt The Sun af málinu að hjónin þurfi að eyða rúmum 11 milljónum íslenskra króna í viðgerðirnar en þau eiga ekki efni á því.
„Ég er stanslaust með áhyggjur því ég veit ekki hvernig ég og fjölskyldan mín getum leyst þetta vandamál,“ sagði Julie Briggs um málið en hún missti starf sitt vegna kvíða og þunglyndis sem hrjáði hana vegna málsins. „Húsið er enn óklárað og foreldrar mínir eru ekki enn komin til okkar.“
Thompson var dæmdur í 13 og hálfs mánaða fangelsi vegna svikanna.