Hinn heimsþekkti pönksöngvari Johnny Rotten, sem var söngvari Sex Pistols, verður væntanlega betur á varðbergi í framtíðinni þegar hann býður gestum með inn í húsið sitt. Hann var orðinn svo góður vinur íkornahóps, sem býr í garðinum hans, að hann bauð hópnum inn í húsið sitt sem er á Venice Beach í Kaliforníu.

Í samtali við Daily Star sagði hann að þessir loðnu vinir hans hafi tekið laumufarþega með. „Ég kíkti niður á typpið og sá að það var flóabit á því. Það er líka eitt á innanverðu lærinu,“ sagði hann.

Hann sagðist vera búinn að bera vaselín á bitin í þeirri von að það dragi úr kláðanum. „Þessi bit, vá, þetta er hreinlega morð. Þetta klæjar,“ sagði hann um þessa sannkölluðu íkornamartröð.