fbpx
Þriðjudagur 24.nóvember 2020
Pressan

Gleymdi eiginkonunni á áningarstaðnum – „Hún sefur í aftursætinu“

Kristján Kristjánsson
Mánudaginn 26. október 2020 07:00

Mynd úr safni.

Ekki missa af Helstu tíðindum dagsins í pósthólfið þitt

Lesa nánar

Það kemur auðvitað fyrir að fólk gleymi einhverju þegar stoppað er á bensínstöðvum eða öðrum áningarstöðum við þjóðveginn, sérstaklega ef um langferð er að ræða og fólk er orðið þreytt. En það hlýtur að vera ansi óvenjulegt að menn gleymi eiginkonunni og uppgötvi það ekki fyrr en lögreglan bendir viðkomandi á það.

Þetta gerðist einmitt í Niedersachsen í Þýskalandi á miðvikudag í síðustu viku. Þar hafði norsk fjölskylda, foreldrar og sonur, stoppað á áningarstað einum til að teygja aðeins úr sér og fara á klósettið. Fjölskyldan var á leið heim til Noregs. Konan þurfti að nota salernið en þegar hún kom aftur út á bílastæðið var fjölskyldubílinn hvergi að sjá og hvað þá feðgana.

Henni brá nokkuð í brún að því er segir í tilkynningu frá lögreglunni i Göttingen. Svo heppilega vildi til að tollvörður var staddur á áningarstaðnum og sneri konan sér til hans. Hann setti sig í samband við lögregluna sem sendi strax út eftirlýsingu á fjölskyldubílnum.

Það reyndist ekki flókið eða tímafrekt að finna bílinn enda var hann troðfullur af farangri og með norsk skráningarnúmer. Lögreglumenn stöðvuðu akstur eiginmannsins um 50 kílómetra frá áningarstaðnum.

„„Lögbrjótarnir tveir“ voru mjög hissa þegar lögreglan stöðvaði þá,“

segir í tilkynningu lögreglunnar. Þegar feðgarnir voru spurðir hvar eiginkonan og móðirin væri svöruðu þeir af mikilli sannfæringu:

„Hún sefur í aftursætinu.“

Það var ekki fyrr en spurningin var ítrekuð og þeir kíktu í aftursætið sem þeir sáu hvers kyns var.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

Fyrir 3 dögum

Aldrei sama vindáttin í nokkra daga

Aldrei sama vindáttin í nokkra daga
Pressan
Fyrir 3 dögum

Flugvallarstjóri telur að farþegar þurfi að fara í kórónuveirupróf næstu árin

Flugvallarstjóri telur að farþegar þurfi að fara í kórónuveirupróf næstu árin
Pressan
Fyrir 4 dögum

Endurtalningu er lokið í Georgíu – Úrslitin standa

Endurtalningu er lokið í Georgíu – Úrslitin standa
Pressan
Fyrir 4 dögum

Hörð gagnrýni á „The Crown“ – Segir að þættirnir stefni konungdæminu í hættu

Hörð gagnrýni á „The Crown“ – Segir að þættirnir stefni konungdæminu í hættu